Giklaro sa kagamhanan sa kapulisan sa Bukidnon nga walay suspension of police operations nga ipatuman sa tibuok probinsya, bisan pa sa pagsaulog sa holiday season ug sa ika-26 nga anibersaryo sa CPP-NPA.
Kini ang gipadayag ni Police Captain Sheila Joy Jangad, ang tigpamaba sa Bukidnon Police Provincial Office (Buk Po), atol sa iyang pakighinabi sa Bombo Radyo Malaybalay, diin iyang gipasalig nga magpadayon ang hugot nga kampanya batok sa tanang matang sa kriminalidad ug ilegalidad.
Matod ni PCPt. Jangad, ang kapulisan hugot nga nagpadayon sa ilang pag-monitor ug operasyon, lakip na ang pag-atubang sa mga ilegal nga kalihokan sama sa illegal mining ug illegal fishing, pagpahigayon sa buy-bust operations batok sa ilegal nga droga, ug ang walay puas nga pagpangsikop sa mga wanted ug most wanted persons.
Ang tibuok Bukidnon anaa karon sa Heightened Alert status sukad pa niadtong Disyembre 1, 2025, diin dugang mga personahe sa PNP ang gipakatag alang sa dugang proteksyon sa komunidad.