Walay energy lockdown – Malacañang

Gipakalma sa Malacañang ang kabalaka nga posibleng moabot sa energy lockdown ang nasud tungod sa pagsaka sa presyo sa mga produktong petrolyo.

Sumala kang Palace Press Officer Atty. Claire Castro, padayon ang pag-ampo sa tanan nga matapos na ang gubat ug makab-ot ang panagkasabot aron mahupay ang tensyon.

Gipunting ni Castro nga wala mihunong ang gobyerno sa pagpangita og dugang suplay sa lana aron malikayan nga maabot ang pinakagrabeng sitwasyon.

Matod pa ni Castro, padayon ang pakighisgut sa gobyerno sa lain-laing nasud sama sa India, Argentina, Canada ug uban pa nga wala magsalig sa suplay sa lana gikan sa Middle East.

Dugang pa ni Castro, nga ginapangandaman sa Pangulo ug sa administrasyon ang maabot og ang  worst case scenario.