Gidayeg ug gisuportahan sa pipila ka mga senador ang pormal nga deklarasyon ni Bise Presidente Sara Duterte nga modagan pagka-Presidente sa 2028. Unang nipadayag sa iyang suporta si Senator Imee Marcos, kinsa nagkanayon nga si Duterte ang nagsilbing “kabaliktaran” sa kasamtangang administrasyon ug nagdala sa kaisog ug malasakit nga susama sa iyang amahan nga si FPRRD.
Full support usab sila si Senator Robin Padilla ug Senator Bong Go, diin gipasiugdahan ni Padilla ang ideya nga usa ka “girl power” tandem nila ni Imee ug Sara ang mopangulo sa nasud.
Sa pikas bahin, gipasalig ni Senate President Tito Sotto III nga magpabiling “impartial” o walay gidapigan ang Senado sa higayon nga moabot kanila ang impeachment complaint batok sa Bise Presidente. Samtang, gikonpirmar ni Senator Risa Hontiveros nga ang United Opposition mopahibalo na sa ilang pambato batok ni Duterte sa dili pa mahuman ang tuig, diin ilang pilion ang lider nga dunay integridad, lig-on nga baruganan sa ekonomiya, ug daling makapanalipod sa soberanya sa nasud.