Nadawat na sa kampo sa Bise Presidente Sarah Duterte ang imbitasyon aron motambong sa pagdungog sa Miyerkules Marso 25 ning kasamtangang tuig, apan sumala sa legal counsel nga si Atty. Michael Poa, wala pa niini nahinabi ang Bise Presidente kung motambong ba kini.
Gipasabot ni Poa nga dili kini obligasyon ang personal nga pagtambong ni VP Sara, ug ang desisyon magdepende sa iyang katungod ug tambag sa iyang mga abogado.
Sumala usab ni House Justice Committee Chair Gervill “Javy” Luistro nga boluntaryo o personal nga desisyon sa Bise Presidente ang pagtambong.
Apan, matud ni Atty. Dino de Leon nga kinahanglan motambong si VP Sara ug tubagon ang mga alegasyon, kay usa kini ka constitutional process ug kinahanglan ipakita ang accountability sa publiko.
Sumala pa ni De Leon, posible nga dili motubag ang Bise Presidente sa mga pangutana bisan pa ug motambong siya, ug mahimo siyang moingon nga politikal lamang ang maong mga isyu.
Kahinumduman nga mipahayag ni VP Sara Duterte nga walay klarong basehan ang mga reklamo, apan kini gisupak kini ni De Leon ug gihulagway niini nga usa lamang ka paagi aron libugon ang publiko ug malikay sa pag-atubang sa mga alegasyon.
Giinsistir niini nga ang mga isyu, lakip ang paggamit sa confidential funds, angay nga tubagon ug dili likayan pinaagi sa technicalities.