VP Sara dili pa hingpit nga absuelto batok sa impeachment trial

Gipasabot sa Korte Suprema nga dili gihapon “luwas” o “absuelto” si Bise Presidente Sara Duterte may kalabot sa mga reklamo nga iyang giatubang.

Kini human sa deklarasyon sa Korte Suprema nga “unconstitutional” o supak sa Konstitusyon ang Articles of Impeachment nga gisang-at sa House of Representatives batok sa ikaduhang pangulo sa nasud.

Matud ni Spokesperson Atty. Camille Sue Mae Ting, ang Articles of Impeachment ra ang gi-isip nga “unconstitutional” o “null and void” gumikan sa paglapas sa ‘1-year rule’ ug sa paglapas sa katungod sa hustisya o due process.

Ang maong klaripikasyon ug video gikan sa opisyal nga pahibalo sa tigpamaba sa Korte Suprema kagahapon, Biyernes, Hulyo 25, 2025.