Gipaniguro sa Commission on Elections kon Comelec nga maserbisyuhan ang tanang mga botante ning adlawa diin mao ang katapusang adlaw sa voters’ registration sa dakbayan sa Malaybalay.
Gipasiugda kini sa Comelec-Malaybalay sa aron masiguro nga walay kabatan-onan o botante ang mawad-an sa higayon sa pagparehistro.
Samtang, gihulat na lamang ang opisyal nga desisyon sa posibleng pag-oktaba sa Barangay ug Sangguniang Kabataan Elections (BSKE) karong tuiga, nga gikatahong pirmahan ni Presidente Ferdinand Marcos Jr. sa Agosto 12, subay sa pamahayag ni Comelec Chairman George Erwin Garcia.
Matud ni Atty. Danilo Dividina, Election Officer sa Comelec-Malaybalay City, hingpit na ang pagpangandam sa Comelec alang sa BSKE, taliwala sa posibelng pag-oktaba o sa mahimong desisyon.
Lakip sa ilang mga inisyatibo ang pagpatuman og satellite registration sa matag barangay aron mapadali ang proseso ug malikayan ang gasto sa pamilite sa mga botante.