- Advertisement -
Pormal na nga gipasakaan og kaso sa National Bureau of Investigation (NBI) ang vlogger nga si Jack Argota didto sa Department of Justice (DOJ).
Giatubang ni Argota ang mga kasong cyber libel ug unlawful publication tungod sa giingong pagpakaylap og peke nga medical record ni Presidente Ferdinand Marcos Jr. Matod sa NBI, ang maong dokumento nga nag-ingon nga duna’y seryoso nga sakit ang Presidente napatunayan nga dili tinuod.
Una nang niangkon si Argota nga peke ang iyang na-post ug nangayo kini og pasaylo, apan gipadayon gihapon sa awtoridad ang pagpasaka og kaso aron magsilbing leksyon sa pagpakaylap og “fake news” sa social media.
- Advertisement -