Giturn-over sa usa ka sibilyan ngadto sa Malaybalay City Police Station ang usa ka vintage bomb o karaang bomba.
Sa eksklusibong pakighinabi sa Bombo Radyo Malaybalay kang PSMS. Richard A. Memeje, Technician ug Investigator sa Bukidnon Explosive Ordnance Disposal kon EOD, giklaro niini nga ang bombang giturn-over usa 75 mm projectile nga wala’y fuze diin gitaya na usab apan adunay pay posibilidad nga mubuto pa.
Sigon niini giturn-over kini sa usa ka 47 anyos nga indibidwal nga residente sa Purok-10, Natid-asan, Malaybalay City ug gikaingong maong vintage bomb sa daplin sa Umayam River sa lalawigan sa Agusan del Norte kaniadtong Oktubre 15, 2025, mga alas 6:00 sa buntag.
Gibutyag ni PSMS. Memeje, nga gibiyahe kini pinaagi sa pagsakay og bus gikan sa lugar nga nadiskubrehan paingon sa Malaybalay City kaniadtong Enero 3, 2026 ug giturn-over sa otoridad alas 9:47 sa gabii kaniadtong Enero 6, 2026.
Hinuon, anaa na sa luwas nga pagtipig ug husto nga pag-neutralize ang eksplosibo.
Giawhag usab sa otoridad ang publiko nga dili maghikap, magbalhin o magdala sa bisan unsang matang sa susama nga butang nga gituohang eksplosibo, ug ipahibalo gilayon sa pinakaduol nga buhatan sa otoridad aron malikayan ang posibleng risgo ug mapanalipdan ang kaluwasan sa komunidad.