Gisalikway sa common legal representative sa mga biktima sa drug war, si Atty. Gilbert Andres, ang argumento sa depensa nga ang administrasyong Duterte wala magtugot sa mga “rotten” nga police officers.
Matod ni Andres, sayop kini ug dili tinuod.
Sa iyang closing statement, sumala ni Atty. Andres nga wala gipasakaan og criminal case ang mga pulis nga responsable sa pagkamatay sa 3,967 ka drug personalities sa mga operasyon gikan Hulyo 1, 2016 hangtod Nobyembre 27, 2017.
Matud Andres, nga gipang-imbestigahan lang sa Pilipinas ang 302 ka kaso.
Gipakita usab ni Andres ang desisyon sa ICC kaniadtong Pebrero 26, 2023, bahin sa pagpadayon sa imbestigasyon sumala sa Article 18, Paragraph 2 sa Statute.
Gibarugan sa ‘Victims’ counsel nga adunay igo nga ebidensiya aron kumpirmahon ang mode of liability sa ilawom sa Article 25(3a), sama sa gi-apela sa Prosekusyon.
Gi-emphasize usab niini nga adunay mga kabataan nga sistematikong gipamatay ubos sa mga kaso batok kang Duterte ug dili kini simpleng “collateral damage.”
Sa katapusan, dugang ni Atty. Andres nga ang Prosekusyon nakapresentar og igo nga ebidensiya aron mapakita ang substantial grounds nga ang kanhing Pangulo responsable sa matag krimen nga giakusa batok kaniya ug angay kini kumpirmahon ug usigon.
Dugang pa ni Atty. Andres, nga “In the end your honors, the victims they were also created in the image of God and they also believe that the God of the universe is the God of justice,”.