Maisogon nga nagpadayag si Vice Ganda atol sa Trillion Peso March rally sa EDSA People Power Monument batok sa korapsyon.
Matud ni Vice nga dili igo ang pagkabilanggo sa mga korap nga opisyal ug kinahanglan nga ibalik ang death penalty aron silotan ang mga kawatan sa gobyerno.
Dugang pa ni Vice, ang korapsyon mas grabe pa kaysa pagpatay ug terorismo.
Gihagit usab niini si Presidente Bongbong Marcos nga ipapreso ang tanang kawatan aron adunay maayong legasiya.
Giinsistir pa niini nga ang mga Pilipino mao ang “employer” sa gobyerno ug kinahanglan nga tumanon sa mga opisyal ang ilang serbisyo.
Daghang artista ang mitambong ug nagpakita og suporta sa kalihukan.
Ang panawagan ni Vice nagpasiugda nga dili na angay magpakahilom ug kinahanglan ipadayag ang kasuko hangtod nga manubag ang mga korap nga mga opisyal.