Misaka sa bag-ong rekord nga P18.16 trilyon ang kinatibuk-ang utang sa Pilipinas niadtong Pebrero 2026.
Sumala sa Bureau of the Treasury, misaka kini og P25 bilyon o 0.14% kumpara sa P18.13 trilyon niadtong Enero, tungod sa dugang nga pagpangutang sa sulod sa nasud.
Ang domestic debt miabot na og P12.48 trilyon, nga naglangkob og 68.7% sa kinatibuk-ang utang, human magpagawas ang gobyerno og bag-ong securities para pondohan ang mga proyekto niini.
Sa laing bahin, mikunhod ang foreign debt og P128.65 bilyon ngadto sa P5.68 trilyon, tungod sa paborableng exchange rate nga nakapakunhod sa kantidad sa mga utang nga dollar-denominated.
Bisan pa man, adunay nadugang nga P7.78 bilyon nga foreign loans, apan nabawi kini sa kaayohan sa currency exchange.
Matud pa sa Treasury, nagpabilin nga lig-on ug maayo ang pagdumala sa debt profile sa nasud. Bisan sa pagsaka sa utang, gipasiugda sa gobyerno nga padayon ang pagsalig sa mga investor sa credit standing sa Pilipinas.