Misaka na sa P17 trilyones ang kinatibuk-ang utang sa Pilipinas, base sa pinakabag-ong rekord gikan sa Bureau of Treasury (BTr).
Gikaingong ang maong kantidad natala sa bulan sa Hunyo, ug resulta sa taas nga local borrowing aron mapun-an ang fiscal shortfall sa nasud.
Matud pa sa BTr, adunay 2.1 porsyentong pagtaas sa utang matag bulan, nga karon misaka na sa P17.27 trilyon. Dugang pa sa ahnesya, nga pagsugod sa tuig, ang utang misaka og 7.6 porsyento o muabot sa P1.2 trilyon.
Base usab sa sa datos sa ahensya, ang domestic borrowing adunay 1.4 porsyento o mukabat na sa P11.95 trilyones.
Samtang, ang external debt o utang nga gikan sa gawas sa nasud mitaas usab og 3.5 porsyento, nga mukabat usab sa P5.32 trilyon.
Bisan pa man sa pagtaas sa utang, miluwat ang BTr nga nagpabilin gihapon nga sustainable ang gobyerno.