Gipanguluhan ni Undersecretary Wilfredo E. Cabral sa Department of Education (DepEd) ang usa ka makasaysayanong dungan nga oath-taking kagapong adlawa, Marso 19, 2026, alang sa kapin 5,200 ka mga magtutudlo nga napromote ubos sa bag-ong Expanded Career Progression (ECP) system, usa ka reporma nga naghatag og higayon sa mga magtutudlo nga madasig sa pag-asenso base sa kaugalingong propesyonal nga sumbanan ug paningkamot imbes nga maghulat pa og bakanteng posisyon tungod sa pagretiro o pagbalhin sa uban.
Ubos niini nga polisiya, ang matag magtutudlo nga adunay kaugalingong item, diin gipahibalo sa DepEd ang target nga promosyon alang sa 149,000 ka magtutudlo sa 2025 ug laing 113,000 sa 2026.
Naglakip sa maong promosyon hangtod sa tulo ka salary grade, isip kabahin sa tinguha nga mapalambo ang kalidad sa serbisyo ug masiguro ang mas maayong kaugmaon alang sa mga kabataan ug sa tibuok nasud.
Matud ni Undersecretary Wilfredo E. Cabral, ang pagpalambo ug pagpagawas sa polisiya sa ECP gikinahanglan, ang husto nga pagtuon, halapad nga konsultasyon, ug maampingong paghimo sa desisyon.
Nanginahanglan usab kini og pasensya, disiplina, ug kaisog sa pagpili sa husto bisan kini lisod kumpara sa dali nga dalan.
Sa pikas bahin, nag-komedya usab kini sa iyang talumpati atol sa oath-taking sa mga magtutudlo.
Giklaro sa opisyal nga nga wala dapat bisan usa ka magtutudlo nga muretiro ug nagpabilin sa Teacher I rank, ug ang iyang gisulti nga “no single teacher” wala nagpasabot nga kinahanglan kasado ang magtutudlo apan na-misinterpret lamang matud pa kini sa uban.