Gisaway sa usa ka ekonomista si Palace Press Officer USec. Claire Castro tungod sa kakulang sa tukmang impormasyon nga gihatag sa publiko.
Gipasabot ni Ray Talimio Jr., Former Oro Chamber Economic Development Committee RDC-X, nga ang mga pamahayag ug posisyon sa palace press kasagaran gihimo og “attack dog” lamang, nga nagpagawas og impormasyon nga dili kompleto ug dili angay saligan.
Base matud pa sa obserbasyon sa ekonomista, nga klarong wala’y gihatag nga impormasyon si USec. Castro kabahin sa mga kritikal nga datos sa estado sa ekonomiya, ug dili kini usa ka economic manager ug observer.
Matud pa ni Talimio, nga base sa mga pamahayag ni USec. Castro, nagpakita kini nga isolated si Castro sa mga proseso ug wala’y tukmang koordinasyon sa Malacañang, nga resulta sa pagpagawas og impormasyon nga dili tinuod o kulang sa detalye.
Gisugyot usab sa ekonomista, nga ikinahanglan ang transparency ug accurate nga impormasyon nga masaligan sa publiko, hustong datos ug tukmang aksyon alang sa kasamtangang ekonomiya sa nasud.