Aprobado na sa Land Transportation Franchising and Regulatory Board (LTFRB) ang pagpatuman sa usbaw sa pamahe sa mga pampublikong transportasyon, partikular na sa jeep ug bus, tungod sa sunod-sunod nga “big-time” nga pagsaka sa presyo sa lana.
Sumala sa LTFRB, sigurado na ang pagpatuman sa dugang pamahe apan gipaubos pa kini sa justification sa Department of Transportation (DOTr) kon pila gyud ang ipatuman nga fare hike.
Gawas niini, gipahayag usab sa LTFRB nga lakip sa maong usbaw ang tanang nagduso og petisyon, apan dili una iapil sa pag-anunsyo ang mga taxi ug UV Express tungod kay bag-o pa lang sila nakapasa sa ilang petisyon.
Pasabot sa ahensya, kinahanglan pa kining moagi sa mga hearing ug nationwide consultation program sa dili pa kini aprobahan.
Sa laing bahin, nakatakdang ipahibalo karong Martes, Marso 17, kung pila gyud ang isaka sa pamahe sa mga pampublikong transportasyon.