Patay ang tulo ka miyembro sa pamilya human kini gipangluba sa wala pa mailhing suspetsado kagabii sa Barangay Managok, Malaybalay City, ning lalawigan.
Gibutyag sa igsuon sa biktima nga hilabihan na lamang ang ilang kakurat human sa makuyaw nga insidente. Ang mga bata nga nahibiling buhi human ang insidente gi kanila ala , pasado alas 6 sa buntag, duha ka bata ang naghilak ug kahadlok nga musumbong sa panghitabo.
Misulod ang mga silingan ug paryente sa balay sa biktima ug ilang nakita nga naligo sa ilang kaugalingong dugo ang tulo ka biktima.
Giila ang mga biktima nga sila alyas Cocoy, Evangeline Andohon nga nakita sa ilawom sa kama, ug Ivan Andohon.
Matud pa, nga usa ka dakong tawo ang misulod sa maong balay ug migamit og maso ug tubo sa pagpatay sa tibuok pamilya.
Kadaghanan sa ilang samad, anaa sa liog nga bahin.
Giantos matod pa sa mga bata nga gitamakan sila sa suspek mahitungod nagtuo kini nga patay na usab ang mga bata.
Matod pa sa mga bata, wala sila nakita sa suspetsado tungod sa kangitngit, hinungdan nga nakalingkawas ang mga nahisgutan.
Dugang pa niini, nga sa wala pa molakaw ang suspetsado, nakita matud pa kini nga nagduwa og selpon.
Nagpadayon ang manhunt operation ug imbestigasyon sa mga otoridad aron masikop ang mga responsable.
Nawagan usab si Bibing Anduhon, igsoon sa lalaking biktima, nga hinaot musurrender na ang suspek ug atubangon ang gibuhat nga makuyaw nga insidenti ug mahatagan sa hustisya ang pamilya.