Boluntaryong mitahan sa mga otoridad ang usa ka 27 anyos nga babaye nga giilang si alyas Laysa, kinsa sakop sa Militia ng Bayan kon (MB) ubos sa Mayag, South Regional Committee 2, North Central Mindanao Regional Committee.
Ang maong pagsurender resulta sa hiniusang intelligence-driven operation nga gipahigayon didto sa Purok 6, Barangay Indalasa, Malaybalay City sa mga personahe sa Bukidnon 1st Provincial Mobile Force Company (1st PMFC) ubos sa pagdumala ni PLTCOL Dave E. Mahilum.
Ang maong operasyon gisuportahan usab sa Malaybalay City Police Station, Internal Security Operation Division, PNP-Intelligence Group, ug Bukidnon Provincial Intelligence Unit.
Sa kasamtangan, si alyas Laysa gipailawom anaa na sa custodial debriefing sa Bukidnon 1st PMFC Headquarter samtang giandam ang iyang mga dokumento alang sa enrollment sa Enhanced Comprehensive Local Integration Program (E-CLIP).