Gipusil patay sa wala mailhing suspek ang usa ka 58-anyos nga lalaki sa Purok 6, Paitan, Quezon, Bukidnon kagahapong adlawa, alas 9:10 sa buntag.
Gipahibalo sa otoridad nga ang biktima, usa ka laborer ug residente sa maong lugar, nag-ayo sa iyang motorsiklo atubangan sa balay sa dihang kalit siyang giduolan sa suspek, ug gipabuthan sa katulong higayon.
Nakadawat ang biktima og usa ka bala sa wala nga dughan ug gidala gilayon sa balay tambalanan, apan gideklarar siyang dead on arrival sa maong ospital.
Gipahigayon sa Quezon Municipal Police Station ang hot pursuit operation, samtang nag-coordinate sa mga kasikbit nga munisipyo aron g madakpan ang suspek nga nakaikyas pa padulong sa Brgy. Catumbalon, Valencia City.
Gipahimangnoan sa pulisya ang publiko sa pagka-alerto ug sa paghatag dayon og impormasyon kon makaila sa suspek aron mapadali ang iyang pagdakop.