Usa ka lalaki namusil human gisuspetsahan nangawat og sapatos sa Quezon, Bukidnon

Namusil ang usa ka lalaki human kini gisuspetsahan nga maoy nangawat og sapatos sa Barangay 2, Poblacion, Quezon, Bukidnon. Sumala sa inisyal nga imbestigasyon, naglalis ang duha ka lalaki human gipasanginlan sa biktima ang suspetsado nga nangawat sa iyang sapatos.

Imbes masulbad sa istoryahanay, napaingon kini sa pagpamusil sa armas nga nagresulta sa pagkasamad sa kamot sa biktima. Ang biktima, 53-anyos ug taga Purok Mabuhay, Barangay Salawagan, gidala dayon sa balay tambalanan human makadawat og duha ka samad pinusilan sa wala nga kamot.

Padayon pa ang imbestigasyon sa kapulisan aron maklaro ang hinungdan sa insidente ug madakpan ang responsable sa pagpamusil.