Mipagawas na og opisyal nga pamahayag ang mga otoridad kabahin sa insidente sa gikaingong pagpamusil nga naglambigit kang Board Member Jomic Fortich ug sa iyang pamilya didto sa Barangay 11, Poblacion, Quezon, Bukidnon.
Sumala sa inisyal nga gipagawas nga pamahayag, gikatahong gipaulanan og bala sa wala pa mailhing mga armadong suspek ang pamilyang Fortich samtang nagpahigayon kini og pribadong panagtigom.
Hinuon, wala’y natala nga samdan o casualty sa maong pagpamusil.
Apan, matud usab ni PMaj. Jayvee Babaan, padayon pa ang imbestigasyon sa gikaingong pagpamusil gumikan wala matud pay nakita nga basiyo sa mga bala sa lugar sa insidente.
Nakigkoordinar usab Quezon Municipal Police Station aron mahibal-an ang motibo sa krimen ug maila ang mga responsable.
Kahinumdoman nga nahitabo ang gikaingong pagpamusil kagahapon, Oktubre 16, 2025, pasado alas 12:15 sa udto.