Usa ka milagro ang nahitabo sa Southeastern China human nakalingkawas sa kamatayon ang usa ka babaye nga gidunggab og 22 ka beses sa dughan.
Unsa ang rason nga wala man kini nakabsi og kinabuhi? Ang iyang silicone breast implants ang naangin inay sa kaugalingon gininhawa niini!
Nahitabo ang maong insidente sa usa ka shopping mall sa nasambit nga rehiyon, diin gipugos matud pa sa suspek ang 30-anyos nga biktima nga musulod sa iyang sakyanan sa parking area.
Gitiunan kini og kutsilyo sa suspek ug gimanduan nga manehuan ang sakyanan aron muadto sa iyang lugar sa pagkuha og kwarta para ihatag sa suspek.
Tungod sa kalayo sa ilang lokasyon, nakapangayo og tabang ang biktima ngadto sa iyang uyab. Nagpakigsabot kini sa kapulisan ug gitugotan nga ma trace ang GPS location sa biktima.
Apan sa pag-abot sa mga otoridad, usa ka trahedya ang nahitabo, gidunggab sa suspek ang biktima daghang higayon sa dughan ug gidunggab usab ang iyang kaugalingon.
Namatay ang suspek diha-diha samtang milagrosong nabuhi ang biktima human sa brutal nga pagpangdunggab.
Wala damha sa mga doktor, nga usa ra ka samad ang nakaabot sa iyang baga.
Ang kadaghanan sa mga buno napugngan atud pa sa silicone breast implants niini, nga nahimong silbi panagang nga miluwas sa iyang kinabuhi.