Gipamugos sa Iranian supreme leader nga walay nasakmit nga kalampusan ang Estados Unidos sa pag-atake niini sa ilang nuclear facilities.Sigon ni Ayatollah Ali Khamenei ang pag-atake wala makatangkog sa nuclear programme sa Iran, dayong butyag nga ang ilang balos nga atake sa American air base sa Qatar mas dunay dakong epekto.
Kini nga pamahayag human sa assessment sa Washington nga ang ilang atake sa Iran nakaapekto sa nuclear ambitions sa Iran.Matud pa sa intelligence information sa Estados Unidos n Israel ang maong operasyon nakadamyos sa nuclear programme.Kahinumdumang giasoy ni US President Donald Trump ang gibuhat nila sa tulo ka nuclear sites sulod sa Iran hingpit nga nakapapas kanila.Gawas pa sa pagtawag sa maong lakang isip makasaysayanong kalampusan.
Samtang gibarugan US Secretary of Defense Pete Hegseth nga ang pag-atake sa Amerika sa mga pasilidad sa nukleyar sa Iran usa ka giplanohang operasyon nga gitumong sa pagpugong sa nagkadako nga impluwensya sa Iran sa mga nuclear weapon.Samtang, gipahinumdoman sa gobyerno sa US ang Kongreso sa mga pagdili sa pagpaambit sa mga classified nga impormasyon, human sa giingon nga pagkutlo sa sensitibo nga datos.