Gibatikos ni US Vice President JD Vance ug Secretary of State Marco Rubio ang lihok sa Parliamento sa Israel nga nag-apruba sa usa ka sugyot balaodnon nga nagaingon nga bahin na sa Israel ang West Bank.
Ang West Bank dugay na nga ginapanag-iya sa Palestine isip kabahin sa ilang gipaninguhang independent state.
Matod pa ni Vance, usa kini ka “stupid political stunt” o lihok sa politika. Samtang si Rubio miingon nga ang gibuhat sa Israel makadaot sa plano ni US President Donald Trump nga tapuson ang giyera sa Gaza.
Wala sab kini giapil sa ceasefire agreement nga ginasuportahan sa administrasyon ni Trump.Sa laing bahin, gipanghimakak ni Israeli Prime Minister Benjamin Netanyahu nga siya nag-uyon sa maong lakang.
Matod pa niini, kini buhat sa oposisyon sa ilang parliyamento. Gipasabot pa ni Netanyahu nga ang iyang right-wing Likud party ug ultra-Orthodox coalition wala moboto pabor sa maong sugyot balaodnon.