Nakatakdang magpahigayon ang mga opisyal sa US ug Iran og laing hugna sa panagpulong.
Gikatahong ipahigayon kini sa Miyerkules sa Geneva, Switzerland.
Pangunahan kini ni US special envoy Steve Witkoff ug umagad ni US President Donald Trump nga si Jared Kushner.
Sa bahin sa Iran, ang Iranian Foreign Minister Abbas Araghchi ang mahimong representante ug ang mahimong mediator sa maong panagpulong si Omani Foreign Minister Badr Al-Busaidi.
Ang miting mao ang pinakabag-o nga diplomatic effort aron mapugngan ang bisan unsang aksyong militar sa US batok sa Tehran ug aron mapugngan ang paglala sa tensyon.
Kahinumdoman nga ang duha ka nasud nagpahigayon na og usa ka miting kaniadtong Pebrero 6 sa Muscat, Oman.
Sumala sa Iran, nga andam na kini alang sa usa ka nuclear deal sa US aron hingpit na nga masulbad ang problema.