US, nakakumpiska pag-usab og barko gikan sa Caribbean Sea

Nakumpiska na usab sa Estados Unidos ang usa ka oil tanker sa Caribbean Sea, bahin kini sa nagpadayon nga kampanya sa US batok sa mga pag-angkat sa lana gikan sa Venezuela.

Ang sakayan nga MV Veronica ang ika-unom na nga tanker nga gipasaka og operasyon sa US Southern Command, human kini mibiya sa Venezuela ug misupak sa quarantine order ni US President Donald Trump batok sa mga sanctioned vessels.

Ang US nagpadayon sa pagdakop sa mga dark fleet nga labaw sa 1,000 ka mga barko nga nagdala ug lana nga gi-sanction.

Ang mga lakang gipahigayon isip bahin sa tinguha sa US nga kontrolon ang oil industry sa Venezuela human sa pagsikop o pagtangtang sa gahum ni Venezuelan President Nicolás Maduro.