Nagtanyag og $10 milyones nga ganti ang US State Department alang sa bisan kinsa nga makatabang sa pagtultol sa nahimutangan sa pipila ka mga nag-unang lider sa Iran, lakip na ang bag-ong Supreme Leader nga si Mojtaba Khamenei.
Kini nga lakang kabahin sa “Rewards for Justice Program” human sa hiniusang pag-atake sa US ug Israel sa Iran nga miresulta sa pagkamatay ni Ayatollah Ali Khamenei ug pipila ka taas nga opisyal sa nasud.
Sumala sa US, kini nga mga indibidwal mao ang nagmando ug adunay direktang kontrol sa Islamic Revolutionary Guard Corps (IRGC) nga nagplano ug nagpasiugda og terorismo sa tibuok kalibutan.
Lakip sa mga anaa sa listahan sa US State Department mao sila si Minister of Intelligence Esmail Khatib, Deputy Chief of Staff Ali Asghar Hejazi, Major-General Yahya Rahim Safavi, Brigadier General Eskandar Momeni, ug ang Secretary to the Supreme Council nga si Ali Larijani.