US, giakusahan ang Russia nga naghatag og intelligence report sa Iran

Giakusahan sa Estados Unidos ang Russia nga naghatag og intelligence report ngadto sa Iran, sumala sa mga opisyal nga gipagawas sa gobyerno sa Amerika.

Matud sa The White House, adunay impormasyon nga nagpasa ang Russia og sensitibong detalye mahitungod sa nahimutangan sa mga sundalong Amerikano.

Padayon pa sa pagkakaron ang White House sa pagpangolekta og dugang ebidensya aron masusi pag-ayo ang maong akusasyon.

Samtang, luwas nang nakabalik sa Estados Unidos ang pipila ka mga Amerikano nga naipit sa kagubot sa Middle East pinaagi sa chartered flights nga giandam sa gobyerno.

Sumala sa taho sa Iran, miabot na sa 1,332 ang namatay tungod sa mga pag-atake sa Estados Unidos ug Israel.