US Embassy Staff sa Israel, gimandoan na nga mamakwit

Nagpagawas na og mando ang Estados Unidos sa pagpabakwit sa mga non-emergency staff ug mga pamilya gikan sa embahada sa Israel isip pagpangandam sa nagkagrabe nga tensiyon sa rehiyon.

Gipasabot ni US Ambassador Mike Huckabee nga kini usa lamang ka lakang sa pagpangandam taliwala sa posibleng pag-atake sa Israel batok sa Iran tungod sa nuclear.

Sa laing bahin, ang United Kingdom nipabakwit na usab sa ilang mga staff gikan sa Tehran tungod sa hulga sa pag-atake sa US, samtang ang mga nasud sa India, China, ug Canada nadasig na usab sa ilang mga lungsoranon nga mobiya na sa Iran.

Gikataho usab nga nakaposisyon na ang mga aircraft carrier sa Estados Unidos duol sa kadagatan sa Iran isip pagpangandam sa bisan unsang operasyon militar.