Gisaway ni kanhi Surigao del Norte Rep. Robert Ace Barbers ang mikaylap nga “unsigned affidavit” sa mga 18 ka indibidwal nga nagpailang mga kanhi myembro sa Philippine Marines ug gitawag kining usa ka “script sa drama skit” nga tumong lamang aron makapangdaot og reputasyon.
Giawhag ni Barbers, nga nagsilbing lead Chair sa House Quad Committee, ang abogado sa grupo nga si Atty. Levi Baligod nga butngan og mga prima ug ipanotaryo ang mgapamahayag sa mga kliyente aron aduna kini legal nga gibug-aton.
Matud ni Barbers, ang usa ka unsidgned affidavit gikonsiderang “scrap of paper” o basura lamang sa ilawom sa balaod.
Gikwestyon usab ni Barbers kung tinuod ba nga mga sundalo ang mga mitungha, ug gitawag kining mga “mercenaries” kon mga bayaran nga nangita lamang og mapangwartahan.
Gihulagway sa kanhi mambabalaod ang mga alegasyon isip usa ka “zarzuela” nga nagtumong nga ibalhin ang atensyon sa publiko gikan sa ICC proceedings batok kang kanhi Presidente Rodrigo Duterte ug sa impeachment track ni Vice President Sara Duterte.
Nagpasidaan usab ang mga lider sa Kamara nga ang pagpagawas sa mga wala’y basehan nga akusayson adunay lala nga epekto sa integridad sa mga institusyon ug personal nga reputasyon sa mga opisyal nga gilambigit sa maong isyu.