Nagtuo si ACT Teachers Party-list Representative Antonio Tinio nga dili i-veto ni Presidente Ferdinand “Bongbong” Marcos Jr. ang unprogrammed appropriations sa 2026 General Appropriations Bill (GAB).
Matud pa ni Tinio, ang maong pundo giisip nga usa ka dakong lump sum fund nga ubos sa direktang kontrol sa Presidente, hinungdan nga gamay ang kahigayonan nga wad-on kini sa palasyo.
Bisan pa man sa mga panawagan gikan sa nagkalain-laing pundok nga babagan ang Unprogrammed appropriations, gihulagway sa kongresista nga lisod kining mahitabo tungod sa gahom nga gihatag niini sa ehekutibo.
Gawas sa isyu sa unprogrammed funds, gipadayag usab ni Tinio ang iyang pagduda nga wala nay pork barrel fund sa National budget alang sa sunod nga tuig.
Matud niini, lisod tuohan ang maong mga pahayag samtang gisusi ang kinatibuk-ang pundo sa gobyerno.Nakatakdang pirmahan ni Presidente Marcos ang 2026 national budget ugmang adlawa, Enero 5