Mipasidaan si United Nations Secretary-General António Guterres kabahin sa nagpadayong tensyon ug gubat sa Middle East nga gikaingong mahimong mas mulala pa nga dili na makontrola.
Matud pa ni Guterres, nagdala kini og dakong kadaot ug bayolenteng epekto hilabi na sa mga sibilyan nga naapektohan ug nag-antos, lakip na ang pagkamatay, pagkaangol, mga halapad nga displacement, samtang nangaguba usan ang mga imprastruktura sama sa balay tambalanan, kabalayan ug uban pang pasilidad.
Gipasiugda usab ni United Nations Secretary-General, nga ang panagbangi naghatag og grabe nga mga peligro dili lamang sa kalig-on sa rehiyon apan usab sa pangkalibutang ekonomiya, lakip sa pagkabalda sa mga suplay sa enerhiya ug patigayon gikan sa Middle East nga mahimong mag-aghat sa mga internasyonal nga pagtaas sa presyo ug mga supply chain shocks.
Gihulagway niini ang mga pag-atake nga nakalapas sa internasyonal nga balaod.