Gipahibalo sa UN Palestinian Refugee Agency nga dili matud pa makasulod ang mga truck nga may dala nga mga liboang suplay alang sa mga biktima sa giyera sa Israel ug Palestine ngadto sa Gaza Strip.
Sumala sa maong ahensiya, hapit tulo ka libo ka mga aid truck ang naglinya sa utlanan sa Gaza apan wala makasulod tungod sa duha ka buwan nga blockade nga unang gipatuman sa Israel.
Tungod niini, gikataho sa UN agency nga mas misamot ang kalisod ug kahimtang sa mga biktima ug nakasinati og tumang kagutom sa maong lugar, diin daghan sa mga bata, mga tigulang, ug kababayen-an ang apektado.
Niadtong milabay nga mga adlaw, samtang nagpadayon ang blockade, giingon usab nga nagpadayon ang Israel sa pagpamomba sa pipila ka mga lugar sa Gaza sama sa Deir el-Balah ug al-Mawasi, duha ka lugar nga nahimutang sa habagatan nga bahin sa Strip.
Base sa taho sa Israel, miabot na sa 52,400 ka mga Palestinian ang namatay sukad nagsugod ang maong giyera, samtang liboan pa ang padayon nga gipangita ilawom sa mga guba nga building nga natumba tungod sa sunod-sunod nga pagbomba.