Labing gikabalaka sa United Nations ang grabeng kadaot ug epekto sa katawhan sa Lebanon sa nagpadayon nga pag-atake sa Israel.
Sumala sa United Nations Refugee Agency kon UNHCR, tungod sa gipalapdan ug gipakusog nga pag-atake sa Israel, daghang mga sibilyan ang gipabakwit.
Kapin sa 1.2 ka milyon nga mga tao ang napugos sa pagbiya sa mga pinuy-anan sukad giatake sa Israel ang Lebanon.
Gikataho nga sa paglabay sa mga adlaw, padayon nga nisaka ang gidaghanon sa mga residente nga mibakwit.
Samtang nagkulang sa mga temporaryong pinuy-anan alang sa mga gipabakwit tungod sa maong kagubot.
Kahinumdoman nga gipakusog sa Israel ang pag-atake niini sa Lebanon human ang mga militanteng Hezbollah naglunsad og mga missile gikan sa Lebanon dungan sa hiniusang pag-atake sa Israel ug US sa Iran.