Magpahigayun og virtual meeting ang Britain sa Huwebes (Biyernes sa Pilipinas) aron hisgutan ang pagtukod og coalition sa mga nasud nga mangita og paagi aron mabalik ang pag-abli sa Strait of Hormuz.
Kini nag-uban sa pahayag ni U.S. President Donald Trump nga responsibilidad sa ubang nasud ang seguridad sa maong pantalan.
Panguluhan ni British Foreign Minister Yvette Cooper ang miting, nga salmutan sa mga nasud sama sa France, Germany, Italy, Canada, ug United Arab Emirates, apan wala’y plano nga motambong ang Estados Unidos.
Tumong sa miting ang paghisgot kung unsaon nga mabalik ang gawasnong pag-agi sa mga barko sa rehiyon.
Kahinumduman, nga gisira sa Iran ang Strait ingon tubag sa mga pag-atake sa U.S. ug Israel nga nagsugod niadtong Pebrero 28, 2026.
Ang pantalan nagdala sa halos 1/5 sa global oil consumption, busa ang pag-abli niini nahimong prayoridad sa daghang nasud tungod sa serye sa pagsaka sa presyo sa enerhiya.
Sumala kay British Prime Minister Keir Starmer, susihon sa miting ang tanang diplomatiko ug politikal nga paagi aron mabalik ang kagawasan sa paglabay o pag-agi sa lugar, labi na kung makab-ot ang ceasefire.
Bisan pa man unang mibalibad ang mga nasud sa Europa nga dili magpadala og naval forces tungod sa kahadlok nga madamay sa gubat, lakip usab ang ilang panan-aw tungod sa epekto sa taas nga presyo sa enerhiya sa global nga merkado.
Plano sa bag-ong coalition nga una nga tangtangon ang mga mina sa pantalan ug protektahan ang mga barko nga molabay.
Giangkon ni Starmer nga ang pag-abli pag-usab sa Strait dili sayon ug nagkinahanglan og pagkahiusa sa mga nasud pinaagi sa diplomasya.
Samtang, gipasidaan ni Trump ang ubang nasud: “build up some delayed courage” ug “just grab it.”
“Just take it, protect it, use it for yourselves,” matud pa ni Trump.