UK, nagpadala og dugang sundalo ug air defense systems sa Middle East

Gipalig-on sa United Kingdom ang  presensya sa Middle East pinaagi sa pagpadala og dugang mga sundalo ug mga air defense system sa mga base militar sa maong rehiyon.

Matud pa ni UK Defence Secretary John Healey, gihatagan niini og dugang  pwersa sa panalipod sa kahanginan ang mga nasud sa Saudi Arabia, Kuwait, ug Bahrain, samtang magpadayon usab ang pagpatrolya sa mga British Typhoon jets  sa Qatar.

Gawas niini, kapin sa 1,000 ka mga sundalo sa UK ang gipadala aron moabag sa operasyon. 

Gipasalig ni Healey nga andam ang UK nga manalipod sa mga nasud sa Middle East ug gipasiugda nga ang United Kingdom nagpabiling lig-on nga kaalyado sa Estados Unidos hangtod karon.