Gipahigayon ang UK Dog Surfing Championships sa Branksome Dene Chine, Dorset, UK niadtong Hulyo 27, diin daghang tag-iya ug mga iro ang misalmot sa paddleboarding.
Ang organizer nga si Mark Reeves sa Shaka Surf nagdugang ug excitement pinaagi sa pag-set sa tulo ka Guinness World Records.
Una niini ang pinakadaghan nga dog/human pairs nga nag-paddleboard og dungan.
Ika-duha ang pinakapaspas nga 50 metros paddleboarding sa human/dog pair diin tabla si Matthew Jenkins ug iyang shih-tzu nga si Gigi, ug si Ben Gray ug iyang collie nga si Boo, sa 32 segundos.
Ika-tulo ang pinakadaghan nga iro sa usa ka paddleboard miihap kini og 12 ka iro.
Ang mga iro gi-check sa vet ug animal behaviorist aron masiguro nga luwas sila sa aktibidad.
Si Margo, usa ka whippet, ug ang iyang tag-iya nga si Carl Barnes nakadaog sa main competition.
Malipayong nakab-ot ang mga rekord ug dako ang suporta sa mga nanan-aw sa baybayon.