UK at France magbutang og kasundaluan sa Ukraine sanglit mapatuman na ang ceasefire tali sa Russia

Andam ang United Kingdom ug France nga maghatag og mga sundalo ngadto sa Ukraine sa higayon nga masugdan na ang peace deal tali sa Ukraine ug Russia.

Kini ang pamahayag nila British Prime Minister Keir Starmer ug French President Emmanuel Macron atol sa panagpulong uban ni Ukrainian President Volodymyr Zelensky.

Mipirma sila og kasabutan alang sa pagtukod og mga military hub sa Ukraine kon adunay na’y ceasefire, isip paagi sa pagsiguro nga motuman ang Russia sa kasabutan ug dili na moatake pag-usab sa Ukraine.

Kahinumduman nga ang United States nagduso sa peace deal aron tapuson na ang kapin sa tulo na ka tuig nga kagubot sa duha ka nasud.