- Advertisement -
Gisunog sa kaugalingong anak ang panimalay sa usa ka senior citizen nga magtiayon sa Purok 14, Tugaya, Valencia City alas-otso sa gabii niadtong milabayng adlaw, hinungdan nga walay naisalba nga gamit ug napugos silang mibakwit kauban ang ilang duha ka apo.
Giila ang mga biktima nga sila Moises Ortega Jr., 66, ug asawa niyang si Norma Ortega, 68, samtang ang suspect nailhan nga si Jan Ortega, 36, nga matod sa barangay miuli nga lango sa ilimnong makahubog ug nasuko human gisugo sa iyang amahan hinungdan na gisunog ang maong panimalay niini.
Nakaikyas una ang suspek sakay sa motorsiklo apan daling nadakpan sa otoridad ug giturn-over sa kapulisan.
- Advertisement -