Gimandoan sa usa ka U.S. federal judge ang pagpagawas sa 5 anyos nga bata nga si Liam Conejo Ramos ug ang amahan niini nga si Adrian Conejo Arias, nga unang nadakpan sa Immigration and Customs Enforcement kon ICE atol sa usa ka operasyon sa Columbia Heights, Minnesota kaniadtong Enero 20.
Sa desisyon kaniadtong Enero 31, 2026, miluwat si U.S. District Judge Fred Biery nga dili husto ang pagdetain kanila ug gisaway ang immigration authorities sa aksyon niini nga mahimo makahatag og trauma sa bata.
Gipahibalo usab sa korte nga ang amahan adunay pending asylum claim, hinungdan gidili ang deportasyon samtang nagpadayon ang legal nga proseso, ug gimando ang pagpagawas kanila gikan sa family detention facility sa Dilley, Texas.
Ang maong kaso nakapukaw og dakong kasuko sa publiko human mikatag ang hulagway sa bata nga napalibotan sa mga ICE agents, ug nagpasamot sa diskusyon mahitungod sa pagtratar sa mga menor-de-edad sa immigration enforcement.