Gisikop sa kapulisan ang tulo ka lalaki sa entrapment operation tungod sa pagpangilkil ug pagpakaaron-ingnong sakop sa armadong grupo sa San Fernando, Bukidnon, alas 3:45 sa hapon, Hulyo 5, 2025.
Gipahigayon ang operasyon sa Barangay Halapitan human mureklamo ang usa ka 50 anyos nga lalaki nga gi-pangawartahan og P22,000. Naaktuhan ang mga suspetsado nga midawat sa envelope nga adunay tinuod ug peke nga salapi. Usa pa ka .38 caliber nga revolver nga adunay buhing bala ang nasakmit sa bag sa usa sa mga suspetsado.
Gila ang mga nadakpan nga sila alias “Boyet”, 48 anyos; “Anggot”, 32 anyos; ug “Jolly”, 40 anyos, mga residente sa lungsod. Sila gitugyan sa San Fernando Municipal Police Station alang sa imbestigasyon ug pagsaka sa kasong robbery extortion ug paglapas sa RA 10591. Samtang, padayon pang gipangita ang laing tulo ka kauban nga misibat sa dihang nahitabo ang operasyon.