Nagkita pag-usab sila US President Donald Trump ug Chinese President Xi Jinping sa usa ka bilateral meeting sa South Korea kagahapong adlawa, Oktubre 30.
Ang maong panagtagbo gibuhat human sa pipila ka bulan nga nagkagrabe ang trade tension tali sa duha ka pinakadakong ekonomiya sa kalibotan.
Sa wala naandan nag kumustahay og lapas usa ka minuto ang duha ka lider sa dili pa magsugod ang ilang pribadong pag-istorya nga milungtad og duha ka oras.Matud pa ni Trump, usa ka dako nga kalampusan ang ilang pulong ni Xi.
Gipasabot usab niini nga iyang ipatuman ang mas ubos nga taripa sa mga produkto nga gikan sa China, samtang gihatagan usab sa China ang Amerika og mas dako nga access sa mga rare earth minerals nga gigamit sa paghimo sa mga electric cars, computer hard drives, TV screens, jet engines, ug uban pang electronics ug armas militar.
Gisiguro pa ni Trump nga sa dili madugay, pormal nga magpirmahan ang duha ka nasod og trade deal.Kini ang unang higayon nga nagkita pag-usab silang Trump ug Xi sukad pa sa tuig 2019, panahon sa G20 Summit nga gipahigayon sa Osaka, Japan.