Trump, subling nagbahad nga pulboson ang mga power plants sa Iran

Subling nagpagawas og pagbahad si U.S. President Donald Trump batok sa Iran taliwala sa nagpadayong panagbangi. Gibaharan ni Trump ang Iran nga “pabuthan ug hingpit nga gub-on” ang ilang mga electric generating plants, oil wells, ug ang Kharg Island kon dili makab-ot ang usa ka kasabutan sa kalinaw sa labing madaling panahon.

Gihimo ni Trump kini nga pahayag samtang gipugos ang Iran nga ablihan pag-usab ang Strait of Hormuz alang sa negosyo. Bisan pa sa iyang grabe nga hulga, matud ni Trump nga duna nay “dakong pag-uswag” sa mga panaghisgot uban sa gitawag niya nga “mas rasonable nga rehimen” sa Iran aron matapos na ang operasyon militar sa Amerika sa maong nasod.