Naka hatag ug kahasol ang pag apil ni US President Donald Trump sa dugay ng panagbangi sa India ug Pakistan. Sumala ni Trump nga andam syang mutabang og pagpangitag solusyon sa duha ka nasod.
Apan ang nasud sa India dunay baruganan kabahin sa third-party mediation, nga dugay nang parte sa ilang foreign policy. Giinsistir sa India nga ang Kashmir usa ka internal nga isyu ug masulbad lamang pinaagi sa bilateral nga negosasyon.
Samtang nalipay ang Pakistan sa pagpangilabot sa US, nagpasidaan ang mga opisyal sa India nga ang pagsagop sa mediation mahimong kalapas sa Simla Agreement sa 1972, nga nagsabot nga sulbaron ang mga panagbangi pinaagi sa direkta nga negosasyon.
Wala pa motubag og pormal ang administrasyong Modi, apan gibutyag ni Foreign Minister Jaishankar ang ilang lig-on nga baruganan batok sa terorismo, nga giila sa uban nga timailhan nga dili pa sila andam mosugod og bag-ong negosasyon.
Sa kalibutanong panan-aw, ang panag-away sa Kashmir gitan-aw nga hulga sa kalinaw sa rehiyon, apan kinahanglan sa India nga mag-amping sa ilang baruganan aron malikayan ang tensiyon sa US, nga usa sa ilang nag-unang kaalyado batok sa China ug labing dako nilang trading partner.