Nagbahad si U.S. President Donald Trump batok sa nasud sa Iran. Gihisgutan niini ang plano sa Amerika nga gub-on ang tanang mga tulay ug planta sa kuryente sa maong nasud kon dili matuman ang mga kondisyon.
Matud ni Trump, aduna na’y nakalatid nga plano diin mahimong mahitabo ang “complete demolition” o hingpit nga pagkaguba sulod lamang sa upat ka oras.
Base sa pamahayag ni Trump, target sa maong operasyon nga mapawng ug mobuto ang tanang power plants sa Iran pag-abot sa alas-12 karung adlawa sa gabii.
Gidugang sa Presidente nga kon madayon ang maong pagpangatake, mahimong mokuha og usa ka gatos ka tuig una pa mabalik sa Iran ang ilang imprastraktura, ug posible nga dili na kini mabalik sa iyang kanhi nga katahom.
Bisan pa man sa maong hulga , gihisgutan ni Trump nga dili niinigusto nga mahitabo kini ug nanghinaot nga dili na moabot sa punto nga kinahanglan kining buhaton sa militar sa Amerika.
Ang maong bahad gihimo dungan sa nagpadayon nga tensyon sa Strait of Hormuz ug ang iyang ultimatum alang sa usa ka kasabutan sa kalinaw.