Gipasidan-an ni Pres. Donald Trump si Israel Prime Minister Benjamin Netanyahu nga undangon una ang pag-atake sa mga energy facilities sa Iran.
Matud pa ni Trump, nakahinabi niini si Netanyahu pinaagi sa telepono diin gisultihan matud niini nga dili sa una targeton ang oil ug gas facilities sa maong nasud.
Gidugang pa usab ni Trump nga dili buhaton sa United States ang pagbomba sa bisan unsang oil ug gas facilities sa Iran.
Gipasabot niini nga importante ang paglikay sa mas dakong tensyon sa rehiyon. Una na niyang giingon nga walay kalabotan ang US sa ginahimong pag-atake sa Israel batok sa energy facilities sa Iran.
Dugang pa niya, wala sila’y partisipasyon sa maong operasyon. Ang maong pahayag gihimong aron klarohon ang posisyon sa US sa nagpadayon nga tensyon sa Middle East.