Gipamatud-an ni US President Donald Trump pinaagi sa iyang social media account nga malampusong nadakpan sa puwersa sa Amerika si Nicolás Maduro ug ang iyang asawa nga si Cilia Flores.
Ang operasyon, kabahin sa gitawag nga “Operation Southern Spear,” nga gipangulohan sa elite unit nga Delta Force sa U.S. Army pinaagi sa pakigtambayayong sa U.S. Law Enforcement.
Sa wala pa ang pagdakop, adunay mga “large-scale strikes” o sunod-sunod nga pagpamomba sa Carahas, ang kapital sa Venezuela, kaniadtong alas-2 sa kaadlawon Giigo ang mga military installation sama sa La Carlota airbase ug Fuerte Tiuna.
Human madakop, gi-report nga gidala dayon sila si Maduro ug Flores pagawas sa nasud. Sumala ni Secretary of State Marco Rubio, si Maduro pasakaan og mga kasong kriminal didto sa Estados Unidos.
Nagdeklarar og national state of emergency ang kagamhanan sa Venezuela. Ang ilang Vice President nga si Delcy Rodríguez nipahayag nga wala sila masayod kon asa gidala ang ilang lider ug nangayo sila og “proof of life.”
Ang Russia ug Iran daling nikondenar sa gihimo sa Amerika, samtang ang Colombia nagpadala og dugang tropa sa ilang utlanan tungod sa posibleng pagdagsang sa mga
Gikatakda ang usa ka news conference karong alas-11 sa buntag (U.S. Time) didto sa Mar-a-Lago, Florida, diin gilauman nga mohatag si Trump og dugang ebidensya ug katin-awan kon unsa ang sunod nga lakang sa Amerika alang sa Venezuela.