Nagpagawas og bahad si U.S. President Donald Trump sa nasud sa Iran kalabot na sa nagkagrabi nga tensyon sa Strait of Hormuz.
Matod ni Trump, aduna na lamang 48 ka oras ang Iran aron makab-ot ang usa ka kasabutan (deal) alang sa pag-abli sa maong krusyal nga agianan sa dagat.
Gipadayag sa Presidente nga kung dili kini matuman sulod sa gitagana nga panahon, mag-atubang ang Iran og “Hell”—usa ka pulong nga nagpasabot og grabeng aksyon o puwersa gikan sa Estados Unidos.
Ang bahad ni Trump misunod human sa usa ka pagbusikad duol sa Iranian nuclear power plant nga nagresulta sa evacuations, ug mga report sa pag-atake sa rehiyon, lakip na ang usa ka commercial ship sa Bahrain nga gituohang konektado sa Israel ug gitarget sa Iran’s Revolutionary Guards.
Ang Strait of Hormuz giisip nga usa sa pinakaimportante nga ruta sa lana sa tibuok kalibutan.