Gimando ni US President Donald Trump ang pag-abli ug paggamit sa Alcatraz, ang giilang prisohan sa isla duol sa San Francisco, aron butangan sa mga labing bayolente ug mga balik balik nga kriminal sa Amerika .
Gisirado ang Alcatraz niadtong 1963 tungod sa mahal nga operasyon ug karon usa na ka tourist site. Bisan pa, gusto ni Trump nga buhion kini isip simbolo sa “balaod, han-ay, ug hustisya” ug gisugo ang Bureau of Prisons, DOJ, FBI, ug Homeland Security sa pagpatuman niini.
Sa pikas nga bahin, gibatikos kini sa mga Demokratikong lider sama ni Nancy Pelosi ug Scott Wiener nga nagtawag sa plano nga “dili seryoso” ug “atake sa balaod.” Matod ni Prof. Gabriel Jack Chin, daghan pa og walay sulod nga prisohan sa US ug dili klaro kung kinahanglan pa ang pagbukas sa Alcatraz.