Trump, gidayeg si Turkish President Erdoğan alang sa pagtapos sa gubat sa Syria

Mibisita ang Presidente sa Turkey nga si Recep Tayyip Erdoğan sa White House.

Personal kini nga gidawat ni US President Donald Trump diin ilang gihisgutan ang pagpalig-on sa depensa ug trade relationship tali sa duha ka nasud.

Gilauman usab nga bawion sa US ang mga sanctions nga gipahamtang sa Turkey aron makapalit kini og F-16 ug F-35 fighter jets.

Gihisgutan usab sa duha ka mga lider kung unsaon pagtapos sa gubat tali sa Israel ug Gaza.

Samtang gidayeg usab ni Trump ang Presidente sa Turkey sa malampuson nga pagtapos sa dugay na nga gubat batok sa Syria.