Gipahibalo ni US President Donald Trump nga adunay dako ug halapad nga kasabutan sa trade deal tali sa Estados Unidos ug Japan. Matod ni Trump, miuyon na japanese governement nga mag-invest og $550 bilyon sa US samtang ang ilang mga produkto nga ibaligya sa US pahamtangan ug buhis nga 15%.
Ang maong taripa mas ubos kumpara sa 25% nga una niyang gitakda nga ipatuman batok sa Japan.Gipahayag ni Trump nga kini ang labing dako nga kasabutan sa trade deal sa kasaysayan sa US ug nasud sa Japan.
Nalipay usab si Japanese Prime Minister Shigeru Ishiba sa maong pahibalo ni Trump, diin kini na ang labing ubos nga taripa nga gipatuman sa US ngadto sa usa ka nasud. Giklaro usab ni Ishiba nga ang kasabutan wala maglakip og bisan unsang pag-ubos sa taripa sa bahin sa Japan.Dugang pa ni trump nga ang pagpahamtang og taripa mahimong epektibo sugod Agosto 1.